Përshkrim
Hasta La Vista – Petro Marko
Në roman shtjellohen ngjarje nga Lufta Civile në Spanjë, ku kanë shkuar vullnetarë nga shumë vende, midis tyre edhe shqiptarë. I ka bashkuar një qëllim: t’i kundërviheshin fashizmit në mësymjet e tij, që paralajmëronin Luftën e Dytë Botërore.
Qëndrimi së bashku në frontin e luftës, përballjet e përgjakshme me armikun, dhimbja e humbjes së shokëve, bisedat jo pak herë me humor gjatë dhe pas betejave, i ka bashkuar këta bij të luftës në NJË.
Me një rrëfim dinamik përshkruhet, thuajse në detaje, jo vetëm panorama e luftës me ngarkesat e shumta emocionale të personazheve, por edhe natyra e papërsëritshme e Spanjës.
Edhe më tërheqës këtë roman e bën dashuria e dy personazheve kryesore, Gorit dhe Anitës. Një lidhje e vështirë për t’u imagjinuar në gjithë atë kasaphanë lufte, por që na dërgon mesazhin kuptimplotë për vazhdimësinë e jetës.
Është romani i parë i autorit dhe më i rëndësishmi, për kohën kur u shkrua, si në rrafshin artistik, ashtu dhe në atë tematik. Ky roman shënon edhe një pikë kthese në rrjedhat historike të romanit shqiptar.
Shqyrtime
Ende pa shqyrtime.