Përshkrim
Largësi shpëtimi – Samanta Schweblin
“Largësi shpëtimi” është një rrëfim intensiv dhe i pasigurt, i ndërtuar si një dialog i vazhdueshëm mes një gruaje të quajtur Amanda, e shtrirë në një shtrat spitali, dhe një djali misterioz, David. Përmes bisedës së tyre, lexuesi futet në një botë ku frika për fëmijët, ndotja e fshehtë e tokës dhe fuqitë e pashpjegueshme krijojnë një ndjesi të papërballueshme ankthi.
Titulli i romanit i referohet “largësisë së shpëtimit” që çdo nënë mban instinktivisht për të mbrojtur fëmijën e saj – një fije e padukshme, e cila kërcënohet të këputet nga forca të errëta dhe të pakuptueshme. Schweblin krijon një atmosferë haluçinante, mes ëndrrës dhe makthit, ku e vërteta mbetet gjithmonë e lëkundur.
Ky libër është cilësuar nga kritika si një prej veprave më origjinale të letërsisë bashkëkohore latino-amerikane, duke kombinuar thriller psikologjik, elemente horror dhe realizëm magjik modern.
