Përshkrim
Pavarësia – Ilir Ikonomi
Historia që rrëfehet në këtë libër duket aq e pabesueshme saqë i ngjan një legjende. Autori flet me hollësi për udhëtimin e paharruar të Ismail Qemalit nga Stambolli në Vlorë. Faktet që jepen në këtë libër janë nxjerrë nga qëmtimi i mijëra dokumenteve historike dhe asgjë nuk është e fantazuar. Është kërkuar nëpër arkiva. Janë shfletuar më shumë se dyqind libra, botime të vjetra e të reja, që trajtojnë historinë e asaj periudhe. Janë nxjerrë të dhëna nga gazeta të panumërta austriake, angleze, rumune, gjermane, italiane, serbe, franceze, amerikane dhe shqiptare. Për fillimet e shtetit është folur dhe do të flitet shumë. Por udhëtimi i Ismail Qemalit për të shpallur pavarësinë do të mbetet fara e asaj historie të re, prandaj nuk do të harrohet kurrë. Komente mbi autorin “Ikonomi na shfaqet një studiues i sërës, asish që i bëjnë nder shkencës, ndonëse nuk mbajnë tituj akademikë.” Revista Klan “Ilir Ikonomi paraqitet para lexuesit jo vetëm si biograf skrupuloz, por edhe si një letrar i talentuar e plot ndjenja.” Gazeta Shqip “Historikja, mondania, komercialja, kombëtarja dhe personalja bëhen bashkë në interpretimin e gazetarit të VOA – së.” Gazeta Mapo “Ikonomi ka treguar një vetpërmbajtje që është e rrallë sot mes autorëve shqiptarë.” Gazeta Illyria
Shqyrtime
Ende pa shqyrtime.